ਥਾਣਾ ਘੱਲਖੁਰਦ ਵਿਚ ਪੈਂਦੇ ਪਿੰਡ ਕੈਲਾਸ਼ ਵਿਚ ਇਕੋ ਰਾਤ ਵਿਚ ਕਿਸਾਨਾਂ ਦੇ ਖੇਤਾਂ ਵਿੱਚੋਂ 28 ਮੋਟਰਾਂ ਚੋਰੀ ਹੋਣਾ ਅਤੇ ਪਿੰਡ ਸ਼ਹਿਜ਼ਾਦੀ ਵਿਚ ਚੋਰਾਂ ਵੱਲੋਂ ਟ੍ਰਾਂਸਫਾਰਮਰ ਚੋਰੀ ਕਰ ਲੈ ਜਾਣਾ ਥਾਣਾ ਘੱਲ ਖੁਰਦ ਦੀ ਪੁਲਸ ਅਤੇ ਪ੍ਰਸਾਸ਼ਨ ਤੇ ਸਵਾਲੀਆ ਨਿਸ਼ਾਨ ਲਾਉਂਦਾ ਹੈ:ਅਸ਼ਵਨੀ ਢੀਂਗੜਾ
ਫਿਰੋਜਪੁਰ 30 ਅਗਸਤ [ਕੈਲਾਸ਼ ਸ਼ਰਮਾ ਸੰਵਾਦਦਾਤਾ ਫਿਰੋਜਪੁਰ]:=
ਜਿਲੇ ਦੇ ਪਿੰਡ ਕੈਲਾਸ਼ ਵਿੱਚ ਬੀਤੇ ਦਿਨੀ ਇੱਕੋ ਰਾਤ ਵਿੱਚ ਚੋਰਾਂ ਵੱਲੋ ਕਿਸਾਨਾਂ ਦੇ ਖੇਤਾਂ ਵਿੱਚੋ 28 ਮੋਟਰਾਂ ਚੋਰੀ ਹੋਣਾ ਤੇ ਪਿੰਡ ਸ਼ਹਿਜਾਦੀ ਵਿੱਚੋ ਚੋਰਾਂ ਵੱਲੋਂ ਪੂਰਾ ਟਰਾਂਸਫਾਰਮਰ ਚੋਰੀ ਕਰ ਕੇ ਲੈ ਜਾਣਾ ਥਾਣਾ ਘੱਲਖੁਰਦ ਦੀ ਪੁਲਸ ਵੱਲੋਂ ਹੁਣ ਤੱਕ ਕੋਈ ਕਾਰਵਾਈ ਨਾ ਕਰਨਾ ਪੁਲਸ ਦੀ ਕਾਰਗੁਜਾਰੀ ਤੇ ਵੱਡੇ ਪ੍ਰਸ਼ਨ ਖੜੇ ਕਰਦਾ ਹੈ। ਪ੍ਰੈਸ ਵਾਰਤਾ ਵਿਚ ਸ੍ਰੀ ਅਸ਼ਵਨੀ ਕੁਮਾਰ ਢੀਂਗੜਾ ਐਡਵੋਕੇਟ ਜ਼ਿਲ੍ਹਾ ਕਚਹਿਰੀ ਅਤੇ ਪ੍ਰਦੇਸ਼ ਕਾਰਜਕਾਰਨੀ ਮੈਂਬਰ (ਪੰਜਾਬ) ਭਾਰਤੀ ਜਨਤਾ ਪਾਰਟੀ ਵੱਲੋਂ ਦੱਸਿਆ ਗਿਆ ਕਿ ਇਲਾਕੇ ਦੇ ਲੋਕਾਂ ਦਾ ਕਹਿਣਾ ਹੈ ਕਿ ਚੋਰਾਂ ਦਾ ਸ਼ਹਿਜਾਦੀ ਪਿੰਡ ਮੋਬਾਇਲ ਬਰਾਮਦ ਹੋਣ ਦੇ ਬਾਵਜੂਦ ਕੋਈ ਕਾਰਵਾਈ ਨਹੀ ਕੀਤੀ ਜਾ ਰਹੀ।ਲੋਕਾਂ ਵੱਲੋ ਰੋਸ ਜਾਹਿਰ ਕਰਦਿਆਂ ਇਹ ਵੀ ਕਿਹਾ ਜਾ ਰਿਹਾ ਹੈ ਕਿ ਨਿੱਕੀ ਨਿੱਕੀ ਗੱਲ ਤੇ ਹਰੇ ਝੰਡੇ ਲੈ ਕੇ ਧਰਨੇ ਦੇਣ ਵਾਲੇ ਕਿਸਾਨਾਂ ਦੇ ਹਿਤੈਸ਼ੀ ਕਹਾਉਣ ਵਾਲੇ ਲੀਡਰ ਵੀ ਇਸ ਮਾਮਲੇ ਵਿੱਚ ਜਾਤੀ ਮੁਫਾਦਾਂ ਨੂੰ ਲੈ ਕੇ ਚੁੱਪ ਹਨ। ਇਲਾਕਾ ਨਿਵਾਸੀਆਂ ਦਾ ਇਹ ਵੀ ਕਹਿਣਾ ਹੈ ਕਿ ਤਲਵੰਡੀ ਭਾਈ ਦੀਆਂ ਕਈ ਦੁਕਾਨਾਂ ਤੇ ਚੌਥਾਈ ਕੀਮਤ ਤੇ ਪੁਰਾਣੀਆ ਮੋੲਰਾਂ ਮਿਲ ਜਾਂਦੀਆਂ ਹਨ। ਭਾਰਤੀ ਜਨਤਾ ਪਾਰਟੀ ਜਿਲਾ ਫਿਰੋਜਪੁਰ ਐਸਐਸਪੀ ਫਿਰੋਜਪਰ ਤੋ ਇਹ ਮੰਗ ਕਰਦੀ ਹੈ ਕਿ ਇਸ ਮਾਮਲੇ ਦੀ ਡੁੰਘਾਈ ਨਾਲ ਜਾਂਚ ਕਰਕੇ ਇਲਾਕੇ ਦੇ ਲੋਕਾਂ ਨੂੰ ਇਨਸਾਫ ਦਿਵਾਇਆ ਜਾਵੇ।
Share Post
