ਫਿਰੋਜਪੁਰ 19 ਸਤੰਬਰ
{ਕੈਲਾਸ਼ ਸ਼ਰਮਾ ਜਿਲਾ ਵਿਸ਼ੇਸ਼ ਸੰਵਾਦਦਾਤਾ}=
ਜਿਲਾ ਫਿਰੋਜਪੁਰ ਐਨਜੀਓ ਕੋਆਰਡੀਨੇਟਰ ਕਮੇਟੀ ਫਿਰੋਜਪੁਰ ਦੇ ਜ਼ਿਲ੍ਹਾ ਚੇਅਰਮੈਨ ਡਾ: ਬੀ ਐਲ ਪਸਰੀਚਾ ਨੇ ਆਪਣੀ ਸਮੁੱਚੀ ਟੀਮ ਨੂੰ ਨਾਲ ਲੈ ਕੇ ਨਵੇਂ ਆਏ ਫਿਰੋਜ਼ਪੁਰ ਦੇ ਡਿਪਟੀ ਕਮਿਸ਼ਨਰ ਸ੍ਰੀਮਤੀ ਦੀਪ ਸਿਖਾ ਸ਼ਰਮਾ, ਆਈਏਐਸ, ਸ਼੍ਰੀ ਅਜੇ ਕੁਮਾਰ ਮਲੂਜਾ, ਡਿਪਟੀ ਇੰਸਪੈਕਟਰ ਆਫ ਜਨਰਲ, ਆਈਪੀਐਸ, ਸ੍ਰੀਮਤੀ ਅਨੁਰਾਧਾ ਪੀਸੀਐਸ ਚੀਫ ਜੁਡੀਸ਼ਅਲ ਮਜਿਸਟਰੇਟ-ਕਮ-ਸਕੱਤਰ ਕਾਨੂੰਨੀ ਸੇਵਾਵਾਂ ਅਥਾਰਟੀ ਨੂੰ ਜੀ ਆਇਆਂ ਆਖਿਆ। ਤੇ ਉਨਾਂ ਨੂੰ ਸਨਮਾਨ ਚਿੰਨ ਦੇ ਕੇ ਸਨਮਾਨਿਤ ਕੀਤਾ। ਡਾਕਟਰ ਬੀ ਐਲ ਪਸਰੀਚਾ ਨੇ ਫਿਰੋਜਪੁਰ ਵਾਸੀਆਂ ਨੂੰ ਆ ਰਹੀਆਂ ਮੁਸ਼ਕਲਾਂ ਬਾਰੇ ਜਾਣਕਾਰੀ ਦਿੱਤੀ ਅਤੇ ਪ੍ਰਸ਼ਾਸਨ ਨੂੰ ਆਪਣਾ ਪੂਰਨ ਸਹਿਯੋਗ ਦੇਣ ਦਾ ਭਰੋਸਾ ਜਤਾਇਆ।
ਡਿਪਟੀ ਕਮਿਸ਼ਨਰ ਨੇ ਫਿਰੋਜਪੁਰ ਵਿਚ ਆ ਰਹੀਆਂ ਸਾਰੀਆਂ ਸਮੱਸਿਆਵਾਂ ਦਾ ਹੱਲ ਕਰਨ ਦਾ ਯਕੀਨ ਦਵਾਇਆ ਅਤੇ ਕਿਹਾ ਕਿ ਸਰਕਾਰ ਦੀਆਂ ਸਕੀਮਾਂ ਨੂੰ ਜਨ ਜਨ ਤੱਕ ਪਹਿਚਾਉਣਾ ਮੇਰੀ ਪਹਿਲੀ ਪ੍ਰਾਓਰਟੀ ਰਹੇਗੀ।
ਮਾਨਯੋਗ ਡਿਪਟੀ ਇੰਸਪੈਕਟਰ ਆਫ ਜਨਰਲ ਨੇ ਕਿਹਾ ਕਿ ਜਿਲੇ ਵਿੱਚੋਂ ਨਸ਼ਾ ਖਤਮ ਕਰਨਾ ਅਤੇ ਲੋਕਾਂ ਦੀ ਜਾਨ ਮਾਲ ਦਾ ਧਿਆਨ ਰੱਖਣਾ, ਕਰਿਮਨਲ ਲੋਕਾਂ ਨੂੰ ਕਿਸੇ ਵੀ ਹਾਲਤ ਵਿੱਚ ਨਹੀਂ ਬਖਸ਼ਿਆ ਜਾਵੇਗਾ ਇਸ ਲਈ ਡਿਵੀਜ਼ਨ ਦੇ ਸਾਰੇ ਉੱਚ ਅਧਿਕਾਰੀਆਂ ਨੂੰ ਹਦਾਇਤਾਂ ਜਾਰੀ ਕਰ ਦਿੱਤੀਆਂ ਗਈਆਂ ਹਨ।
ਮਾਨਯੋਗ ਅਨੁਰਾਧਾ ਚੀਫ ਜੁਡੀਸ਼ਲ ਮਜਿਸਟਰੇਟ-ਕਮ-ਸਕੱਤਰ ਕਾਨੂੰਨੀ ਸੇਵਾਵਾਂ ਅਥਾਰਟੀ ਨੇ ਕਿਹਾ ਕਿ ਮੈਂ ਸਰਹੱਦੀ ਹਲਕਿਆਂ ਵਿੱਚ ਜਾ ਕੇ ਉਹਨਾਂ ਲੋਕਾਂ ਨੂੰ ਆ ਰਹੀਆਂ ਮੁਸ਼ਕਲਾਂ ਦਾ ਨਿਵਾਰਨ ਕਰਨ ਲਈ ਐਨਜੀਓ ਦਾ ਸਾਥ ਲੈ ਕੇ ਹਰ ਸੰਭਵ ਪ੍ਰਿਆਸ ਕਰਾਂਗੀ ਅਤੇ ਝਗੜਿਆਂ ਨੂੰ ਲੋਕ ਅਦਾਲਤਾਂ ਵਿੱਚ ਨਿਪਟਾਨ ਦੀ ਪ੍ਰੇਰਨਾ ਦੇਵਾਂਗੀ।
ਸਨਮਾਨਿਤ ਕਰਨ ਸਮੇਂ ਡਾ. ਬੀ.ਐਲ. ਪਸਰੀਚਾ (ਜਿਲਾ ਚੇਅਰਮੈਨ ), ਜੀ.ਐਸ. ਅਨਮੋਲ( ਸੈਕਟਰੀ), ਨਰਿੰਦਰ ਸਿੰਘ (ਬਲਾਕ ਪ੍ਰਧਾਨ ਜੀਰਾ), ਵਿਕਰਮ ਗੁਪਤਾ (ਪੈਟਰਨ ), ਨਰੇਸ਼ ਸ਼ਰਮਾ, ਗੁਰਮੀਤ ਸਿੰਘ , ਸਤਨਾਮ ਸਿੰਘ ਸਿੱਧੂ ,ਨਛੱਤਰ ਸਿੰਘ, ਨੀਰਜ ਢੀਂਗੜਾ ਰਨਧੀਰ ਜੋਸ਼ੀ ਬਲਵਿੰਦਰ ਪਾਲ ਸ਼ਰਮਾ ਬਰਿਜ ਧਵਨ ਜੀ ਐਸ ਮਾਂਗਟ ਕੈਲਾਸ਼ ਸ਼ਰਮਾ ਆਦਿ ਹਾਜ਼ਰ ਸਨ।