ਫਿਰੋਜ਼ਪੁਰ 24 ਜੁਲਾਈ
{ਕੈਲਾਸ਼ ਸ਼ਰਮਾ ਜਿਲਾ ਵਿਸ਼ੇਸ਼ ਸੰਵਾਦਦਾਤਾ}=
ਹਰਿਆਵਲ ਪੰਜਾਬ ਫ਼ਿਰੋਜ਼ਪੁਰ ਦੀ ਟੀਮ ਵੱਲੋਂ ਦੂਨ ਜੂਨੀਅਰ ਸਕੂਲ ਬਾਰਡਰ ਰੋਡ ਫਿਰੋਜਪੁਰ ਵਿੱਚ 70 ਫਲਦਾਰ ਬੂਟੇ ਲਗਾਏ ਗਏ ਜਿੰਨਾ ਵਿੱਚ ਅੰਬ, ਅਮਰੂਦ, ਆਂਵਲਾ ਨਿੰਬੂਆ ਦੇ ਬੂਟੇ ਲਗਾਏ ਗਏ। ਡਾ: ਸਤਿੰਦਰ ਸਿੰਘ ਐਨ ਜੀ ਓ ਪ੍ਰਮੁੱਖ ਅਤੇ ਅਸ਼ੋਕ ਬਹਿਲ ਸਹਿ ਸੰਯੋਜਕ , ਯੋਗੇਸ਼ ਮਹਿਤਾ ਜੀ , ਸੁਰਿੰਦਰ ਕੁਮਾਰ , ਕਮਲ ਤੇ ਸਕੂਲ ਸਟਾਫ ਜੂਨੀਅਰ ਸਕੂਲ ਨੇ ਪੌਦੇ ਲਗਾਉਣ ਵਿੱਚ ਪੂਰਨ ਸਹਿਯੋਗ ਦਿੱਤਾ । ਤਰਲੋਚਨ ਚੋਪੜਾ ਨੇ ਦੱਸਿਆ ਕਿ ਇਸ ਮੁਹਿੰਮ ਤਹਿਤ ਆਪਣੇ ਆਲੇ ਦੁਆਲੇ ਨੂੰ ਹਰਿਆ ਭਰਿਆ ਅਤੇ ਸਵੱਛ ਹਵਾਦਾਰ ਬਣਾਉਣ ਲਈ ਪੰਜਾਬ ਸਰਕਾਰ ਦੇ ਸਹਿਯੋਗ ਨਾਲ ਕੀਤਾ ਜਾ ਰਿਹਾ ਜੇਕਰ ਅਸੀਂ ਇਸ ਮੁਹਿੰਮ ਦਾ ਅੱਜ ਹਿੱਸਾ ਨਾ ਬਣੇ ਤਾਂ ਉਹ ਦਿਨ ਦੂਰ ਨਹੀਂ ਜਦੋਂ ਅਸੀਂ ਆਕਸੀਜਨ ਦੇ ਸਲੇਂਡਰ ਆਪਣੇ ਪਿਠ ਤੇ ਸਰੀਰ ਦੇ ਨਾਲ ਲੈ ਕੇ ਚੱਲਣ ਨੂੰ ਮਜਬੂਰ ਹੋ ਜਾਵਾਂਗੇ ਕਿਉਂਕਿ ਸਾਡੇ ਦੇਸ਼ ਅੰਦਰ ਪਾਪੂਲੇਸ਼ਨ ਦੇ ਹਿਸਾਬ ਨਾਲ ਸਿਰਫ 28 ਪੌਦੇ ਇਕ ਆਦਮੀ ਦੇ ਹਿਸਾਬ ਨਾਲ ਆਉਂਦੇ ਹਨ ਜਦਕਿ ਕਈ ਦੇਸ਼ਾਂ ਵਿਦੇਸ਼ਾਂ ਵਿੱਚ 428 ਪੌਦੇ ਪਰ ਆਦਮੀ ਦੇ ਹਿਸਾਬ ਨਾਲ ਲੱਗੇ ਹੋਏ ਹਨ। ਇਸ ਕਾਰਨ ਸਾਨੂੰ ਹੁਣ ਸੰਭਲਣ ਦੀ ਲੋੜ ਹੈ ਕਿਉਂਕਿ ਦਰਖਤ ਸਾਨੂੰ ਜਿੰਦਗੀ ਵੀ ਪ੍ਰਦਾਨ ਕਰਦਾ ਹੈ ਅਤੇ ਮਰਨ ਉਪਰੰਤ ਵੀ ਇਸ ਬਗੈਰ ਗੁਜ਼ਾਰਾ ਨਹੀਂ । ਅਰਵਿੰਦ ਸ਼ਰਮਾ ਚੈਅਰਮੈਨ ਨੇ ਦੱਸਿਆ ਕਿ ਮੈਂ ਪਹਾੜਾਂ ਵੱਲ 30 -35 ਸਾਲ਼ਾ ਤੋਂ ਆਪਣੇ ਰਿਸ਼ਤੇਦਾਰਾਂ ਦੇ ਜਾ ਰਿਹਾ ਹਾਂ ਉੱਥੇ ਪਹਿਲੇ ਬਹੁਤ ਘਣੇ ਜੰਗਲ ਸਨ ਜੋ ਲੋਕਾਂ ਨੇ ਹੁਣ ਕੱਟ ਦਿੱਤੇ । ਪਹਿਲਾਂ ਉੱਥੇ ਬਹੁਤ ਬਰਫ ਪੈਂਦੀ ਸੀ ਪਰ ਹੁਣ ਉੱਥੇ ਬਿਲਕੁਲ ਹੀ ਬਰਫ ਨਹੀਂ ਪੈਂਦੀ ਜਿਸ ਕਾਰਨ ਉਥੋਂ ਦਾ ਟੈਂਪਰੇਚਰ ਵੀ ਹੁਣ ਜਿਆਦਾ ਰਹਿਣ ਲੱਗ ਪਿਆ ਉਥੇ ਡਾਕਟਰ ਸਤਿੰਦਰ ਨੇ ਵੀ ਦਰਖਤਾਂ ਦੇ ਬਹੁਮੁੱਲੇ ਗੁਣਾਂ ਬਾਰੇ ਸਕੂਲ ਦੇ ਬੱਚਿਆਂ ਨੂੰ ਜਾਗਰਿਤ ਕੀਤਾ। ਐਡਵੋਕੇਟ ਆਨੰਦ ਵਿਨਾਇਕ ਡਾਰੈਕਟਰ ਤੇ ਪ੍ਰਿੰਸੀਪਲ ਮੈਡਮ ਆਮਨਾ ਵੱਲੋਂ ਆਈ ਹੋਈ ਹਰਿਆਵਲ ਟੀਮ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਅਸੀਂ ਹਰ ਇੱਕ ਬੱਚੇ ਨੂੰ ਇੱਥੇ ਇੱਕ ਇਕ ਪੌਦਾ ਦਿਆਂਗੇ ਤਾਂ ਜੋਂ ਬੱਚੇ ਉਸ ਨੂੰ ਆਪਣੇ ਆਪ ਪਾਣੀ ਰੱਖ ਰਖਾਵ ਦਾ ਖਿਆਲ ਰੱਖਣਗੇ। ਇੰਜੀਨੀਅਰ ਤਰਲੋਚਨ ਚੋਪੜਾ ਨੇ ਸਕੂਲ ਪ੍ਰਸ਼ਾਸਨ ਅਤੇ ਆਈ ਹੋਈ ਹਰਿਆਵਲ ਟੀਮ ਦਾ ਸਹਿਯੋਗ ਕਰਨ ਲਈ ਧੰਨਵਾਦ ਕੀਤਾ।