![](https://vvnewsvaashvara.in/wp-content/uploads/2022/04/IMG-20220420-WA0013-1024x768.jpg)
ਫ਼ਿਰੋਜ਼ਪੁਰ 20 ਅਪ੍ਰੈਲ [ਕੈਲਾਸ਼ ਸ਼ਰਮਾ ਜ਼ਿਲ੍ਹਾ ਵਿਸ਼ੇਸ਼ ਸੰਵਾਦਦਾਤਾ]:-
ਫਿਰੋਜਪੁਰ ਦੀ ਨਾਮਵਰ ਸਮਾਜ ਸੇਵੀ ਸੰਸਥਾ ਰੋਟਰੀ ਕੱਲਬ ਫਿਰੋਜਪੁਰ ਕੈਂਟ ਵੱਲੋਂ ਪ੍ਰਧਾਨ ਕਮਲ ਸ਼ਰਮਾ, ਸੀਨੀਅਰ ਰੋਟੈਰੀਅਨ ਅਸ਼ੋਕ ਬਹਿਲ , ਵਿਪੁੱਲ ਨਾਰੰਗ ਅਤੇ ਸੱਕਤਰ ਗੁਲਸ਼ਨ ਸਚਦੇਵਾ ਦੀ ਅਗਵਾਈ ਵਿੱਚ ਸਮਾਜ ਸੇਵਾ ਦੇ ਕੰਮ ਲਗਾਤਾਰ ਜਾਰੀ ਹਨ । ਅੱਜ ਇਸ ਲੜੀ ਵਿੱਚ ਕੱਲਬ ਨੇ ਅਮਿੱਤ ਫਾਉਡੇਸ਼ਨ ਫਿਰੋਜਪੁਰ ਨਾਲ ਮਿਲਕੇ ਰੋਟਰੀ ਦੇ ਸੰਸਥਾਪਕ ਪਾਲ ਹੈਰਿਸ ਦੇ ਜਨਮ ਦਿਨ ਮੌਕੇ ਵਿਸ਼ੇਸ਼ ਜ਼ਰੂਰਤਾਂ ਵਾਲੇ ਬੱਚਿਆਂ ਨੂੰ ਵਿਸ਼ੇਸ਼ ਤੋਹਫ਼ਾ ਦੇ ਕੇ ਮਨਾਇਆ। ਪ੍ਰੋਜੈਕਟ ਇੰਨਚਾਰਜ ਵਿਪੁੱਲ ਨਾਰੰਗ, ਮੌੰਟੂ ਸ਼ਰਮਾ, ਰੋਹਿਤ ਕੱਕੜ ਨੇ ਦੱਸਿਆ ਕਿ ਅੱਜ ਗਰਮੀ ਦੇ ਮੌਸਮ ਨੂੰ ਧਿਆਨ ਵਿੱਚ ਰੱਖਦੇ ਵਿਸ਼ੇਸ਼ ਜ਼ਰੂਰਤਾਂ ਵਾਲੇ ਬੱਚਿਆਂ ਦੇ ਸਕੂਲ ਵਿੱਚ ਕੱਲਬ ਵੱਲੋਂ ਰੈਫਰੀਜੀਰੇਟਰ ਗਿਫਟ ਕੀਤਾ ਗਿਆ, ਫਾਉਂਡੇਸ਼ਨ ਦੇ ਧਿਆਨ ਵਿੱਚ ਆਇਆ ਕਿ ਇਸ ਵਿਸ਼ੇਸ਼ ਸਕੂਲ ਵਿੱਚ ਬੱਚਿਆਂ ਲਈ ਦੁੱਧ, ਫਲਾਂ ਆਦਿ ਨੂੰ ਗਰਮੀ ਦੇ ਮੌਸਮ ਵਿੱਚ ਸੰਭਾਲ਼ਣ ਲਈ ਮੁਸ਼ਕਿਲ ਆ ਰਹੀ ਸੀ, ਸੋ ਇਹ ਸੇਵਾ ਅੱਜ ਪਾਲ ਹੈਰਿਸ ਜੀ ਦੇ ਜਨਮਦਿਨ ਮੌਕੇ ਕੀਤੀ ਗਈ । ਇਸ ਮੌਕੇ ਬਲਦੇਵ ਸਲੂਜਾ, ਸਕੂਲ ਸਟਾਫ਼ ਕੁਲਦੀਪ ਕੌਰ, ਰਾਜੇਸ਼ ਕੁਮਾਰ ਆਦਿ ਹਾਜ਼ਰ ਸਨ ।