ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ, ਫਿਰੋਜਪੁਰ ਵੱਲੋਂ ਏ.ਡੀ.ਆਰ ਸੈਂਟਰ, ਫਿਰੋਜਪੁਰ ਦੇ ਕਿਡਜ਼ ਰੂਮ ਦਾ ਕਰਵਾਇਆ ਨਵੀਨੀਕਰਨ
ਫਿਰੋਜ਼ਪੁਰ, 11 ਅਗਸਤ, 2023 ਕੈਲਾਸ਼ ਸ਼ਰਮਾ ਜ਼ਿਲ੍ਹਾ ਵਿਸ਼ੇਸ਼ ਸੰਵਾਦਦਾਤਾ}:-
ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਫਿਰੋਜਪੁਰ ਦੇ ਮਾਨਯੋਗ ਚੇਅਰਮੈਨ-ਕਮ-ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ, ਫਿਰੋਜਪੁਰ ਸ੍ਰੀ ਵੀਰਇੰਦਰ ਅਗਰਵਾਲ ਜੀ ਵੱਲੋਂ ਅੱਜ ਏ.ਡੀ.ਆਰ ਸੈਂਟਰ, ਫਿਰੋਜਪੁਰ ਦੇ ਕਿਡਜ਼ ਰੂਮ ਜੋ ਕਿ ਪਹਿਲਾ ਤੋਂ ਹੀ ਮੌਜੂਦ ਸੀ ਉਸ ਵਿੱਚ ਸੁਧਾਰ ਲਿਆ ਕੇ ਬੱਚਿਆਂ ਲਈ ਖੇਡਣ ਦਾ ਨਵਾਂ ਸਮਾਨ ਅਤੇ ਬੱਚਿਆਂ ਦੀ ਬੁੱਧੀ ਦੇ ਵਿਕਾਸ ਲਈ ਪੜਾਈ ਨਾਲ ਸਬੰਧਤ ਨਵੀਆਂ ਪੇਟਿੰਗਾਂ/ਡਰਾਇੰਗ ਯੂਰੋ ਕਿਡਜ਼ ਸਕੂਲ, ਫਿਰੋਜ਼ਪੁਰ ਦੇ ਡਾਇਰੈਕਟਰ ਡਾ. ਕੁਲਵਿੰਦਰ ਨੰਦਾ ਜੀ ਦੇ ਸਹਿਯੋਗ ਨਾਲ ਬਣਵਾਈਆਂ ਗਈਆਂ। ਇਸ ਕਿਡਜ਼ ਰੂਮ ਦੇ ਨਵੀਨੀਕਰਨ ਦਾ ਸਾਰਾ ਕੰਮ ਮੈਡਮ ਏਕਤਾ ਉੱਪਲ, ਮਾਨਯੋਗ ਚੀਫ ਜੁਡੀਸ਼ੀਅਲ ਮੈਜਿਸਟ੍ਰੇਟ-ਕਮ-ਸਕੱਤਰ, ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਫਿਰੋਜ਼ਪੁਰ ਵੱਲੋਂ ਆਪਣੀ ਦੇਖ-ਰੇਖ ਵਿੱਚ ਕਰਵਾਇਆ ਗਿਆ। ਇਸ ਦੌਰਾਨ ਸ਼੍ਰੀ ਵੀਰਇੰਦਰ ਅਗਰਵਾਲ, ਮਾਨਯੋਗ ਜ਼ਿਲ੍ਹਾ ਅਤੇ ਸੈਸ਼ਨ ਜੱਜ-ਕਮ-ਚੇਅਰਮੈਨ, ਜ਼ਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ, ਫਿਰੋਜਪੁਰ ਵੱਲੋਂ ਦੱਸਿਆ ਗਿਆ ਕਿ ਇਸ ਕਿਡਜ਼ ਰੂਮ ਵਿੱਚ ਬੱਚਿਆਂ ਦੇ ਖੇਡਣ ਦਾ ਸਮਾਨ ਅਤੇ ਪੜ੍ਹਨ ਲਈ ਸਮੱਗਰੀ ਇਸ ਲਈ ਰੱਖੀ ਗਈ ਤਾਂ ਜੋ ਏ.ਡੀ.ਆਰ ਸੈਂਟਰ, ਫਿਰੋਜ਼ਪੁਰ ਵਿੱਚ ਕੇਸ ਝਗੜਨ ਆਈਆਂ ਪਾਰਟੀਆਂ ਦੇ ਨਾਲ ਆਏ ਬੱਚਿਆਂ ਨੂੰ ਇਸ ਕਿਡਜ਼ ਰੂਮ ਵਿੱਚ ਇਕ ਚੰਗਾ ਮਾਹੌਲ ਮਿਲੇਗਾ ਅਤੇ ਉਹਨਾਂ ਵਿੱਚ ਪਰਿਵਾਰਾਂ ਦੇ ਕੇਸਾਂ ਦੇ ਝਗੜਿਆਂ ਨੂੰ ਲੈ ਕੇ ਉਹਨਾਂ ਵਿੱਚ ਈਰਖਾ ਨਹੀਂ ਆਏਗੀ।
Share Post
