![](https://vvnewsvaashvara.in/wp-content/uploads/2022/08/IMG-20220806-WA0041-1024x768.jpg)
![](https://vvnewsvaashvara.in/wp-content/uploads/2022/08/IMG-20220806-WA0038-1024x550.jpg)
ਫ਼ਿਰੋਜ਼ਪੁਰ 06 ਅਗਸਤ {ਕੈਲਾਸ਼ ਸ਼ਰਮਾ ਜ਼ਿਲਾ ਵਿਸ਼ੇਸ਼ ਸੰਵਾਦਦਾਤਾ}:=
ਅਜਾਦੀ ਦੇ 75ਵੇੰ ਮਹਾਂਉਤਸਵ ਨੂੰ ਮੁੱਖ ਰੱਖਦੇ ਹੋਏ ਸਰਹੱਦੀ ਲੋਕ ਸੇਵਾ ਸਮਿਤੀ ਜਿਲ੍ਹਾ ਫਿਰੋਜਪੁਰ ਵਲੋਂ ਹਰ ਘਰ ਤਿਰੰਗਾ ਮੁਹਿੰਮ ਨੂੰ ਬੜੇ ਉਤਸ਼ਾਹ ਨਾਲ ਮਨਾਇਆ ਜਾ ਰਿਹਾ ਹੈ। ਇਸ ਮੁਹਿੰਮ ਨੂੰ ਮੁੱਖ ਰੱਖਦੇ ਹੋਏ ਸਰਹੱਦੀ ਲੋਕ ਸੇਵਾ ਸਮਿਤੀ ਪੰਜਾਬ ਦੇ ਉਪ ਪ੍ਰਧਾਨ ਸ਼੍ਰੀ ਧਰਮਪਾਲ ਬਾਂਸਲ (ਚੈਅਰਮੈਨ ਸ਼ਹੀਦ ਭਗਤ ਸਿੰਘ ਕਾਲਜ ਆਫ ਨਰਸਿੰਗ ਅਤੇ ਹਾਰਮਨੀ ਆਯੂਰਵੈਦਿਕ ਕਾਲਜ ਫਿਰੋਜਪੁਰ ) ਜਿਲ੍ਹਾਂ ਪ੍ਰਧਾਨ ਕਮਲ ਕਾਲੀਆਂ ਵਲੋਂ ਮੁਹਿੰਮ ਦੀ ਅਗਵਾਈ ਕੀਤੀ ਗਈ। ਜਿਸ ਅਧੀਨ ਘਰ-ਘਰ (ਲਗਭਗ 200 ਦੇ ਕਰੀਬ ) ਤਿਰੰਗੇ ਵੰਡੇ ਗਏ। ਦੇਸ਼ ਨੂੰ ਅਜਾਦ ਹੋਇਆ 75 ਸਾਲ ਬੀਤ ਗਏ ਹਨ। ਤਰਿੰਗਾ ਸਾਡਾ ਰਾਸ਼ਟਰੀ ਝੰਡਾ ਹੈ। ਇਸ ਦਾ ਦਿਲੋਂ ਸਨਮਾਨ ਕਰਨਾ ਚਾਹੀਦਾ ਹੈ। ਤਿਰੰਗਾ ਆਜਾਦੀ ਦਾ ਪ੍ਰਤੀਕ ਹੈ। ਇਸ ਮੁਹਿੰਮ ਦਾ ਮਹੱਤਵ ਲੋਕਾਂ ਦੇ ਦਿਲਾਂ ਅੰਦਰ ਅਜਾਦੀ ਦੀ ਜਾਗਰੂਕਤਾ ਨੂੰ ਬਣਾਈ ਰੱਖਣਾ ਹੈ ਇਹ ਮੁਹਿੰਮ 2 ਅਗਸਤ ਤੋਂ ਸ਼ੁਰੂ ਕੀਤੀ ਗਈ ਹੈ। ਇਹ ਮੁਹਿੰਮ ” ਅਜਾਦੀ ਦਾ ਅੰਮ੍ਰਿਤ ਮਹਾਉਸਤਵ ” ਦਾ ਹਿੱਸਾ ਹੈ। ਜਿਸ ਵਿੱਚ ਲੋਕਾਂ ਅੰਦਰ ਰਾਸ਼ਟਰੀ ਝੰਡੇ ਪ੍ਰਤੀ ਜਾਗਰੂਕਤਾ ਪੈਦਾ ਕੀਤੀ ਜਾਵੇ। ਤਿਰੰਗਾ ਰਾਸ਼ਟਰ ਨਿਰਮਾਣ ਪ੍ਰਤੀ ਸਾਡੀ ਵਚਨਬੱਧਤਾ ਦਾ ਪ੍ਰਤੀਕ ਬਣ ਜਾਂਦਾ ਹੈ। ਝੰਡਾ ਸਿਰਫ ਭਵਿੱਖ ਲਈ ਇੱਕ ਦ੍ਰਿਸ਼ਟੀਕੋਣ ਨਹੀ ਹੈ। ਸਗੋਂ ਭਾਰਤ ਦੇ ਅਮੀਰ ਅਤੇ ਸ਼ਾਨਦਾਰ ਅਤੀਤ ਦੀਆਂ ਕਦਰਾਂ-ਕੀਮਤਾਂ ਨੂੰ ਦਰਸਾਉਂਦਾ ਹੈ। ਤਿਰੰਗਾ ਸਾਰੇ ਭਾਰਤ ਵਾਸੀਆ ਦੀ ਸ਼ਾਨ ਦਾ ਪ੍ਰਤੀਕ ਹੈ। ਸਾਡੇ ਸਾਰੇ ਭਾਰਤ ਵਾਸੀਆਂ ਵਾਸਤੇ ਅਜਾਦੀ ਦਿਵਸ ਇਕ ਗੌਰਵ ਮਈ ਦਿਨ ਹੈ। ਸਾਨੂੰ ਸਾਰੇ ਭਾਰਤ ਵਾਸੀਆ ਨੂੰ ਤਿਰੰਗੇ ਦਾ ਸਨਮਾਨ ਕਰਨਾ ਚਾਹੀਦਾ ਹੈ ਅਤੇ ਦੇਸ਼ ਦੀ ਤਰੱਕੀ ਵਿੱਚ ਯੋਗਦਾਨ ਪਾਉਣਾ ਚਾਹੀਦਾ ਹੈ। ਇਸ ਮੁਹਿੰਮ ਵਿੱਚ ਮੁੱਖ ਤੌਰ ਤੇ ਸ਼੍ਰੀ ਮਨੋਜ ਜੀ (ਸਗੰਠਨ ਮੰਤਰੀ ਹਿਮਾਚਲ ਪ੍ਰਦੇਸ਼, ਪੰਜਾਬ, ਲੱਦਾਖ,ਜੰਮੂ ਅਤੇ ਕਸ਼ਮੀਰ ) ਡਿਪਟੀ ਕਮਾਂਡੈਂਟ ਗੁਰਪ੍ਰੀਤ ਸਿੰਘ ਗਿੱਲ (BSF), ਵਿੱਕੀ ਨਾਰੰਗ (HDF ਬੈਂਕ ਮਨੇਜਰ) ਤਰਲੋਚਨ ਚੋਪੜਾ, ਅਮਨ ਪ੍ਰੈਸ ਅਤੇ ਪ੍ਰਟਿੰਗ, ਜੇ ਐਸ ਕੁਮਾਰ, ਹਰਜਿੰਦਰ ਸਿੰਘ, ਪ੍ਰਮਿੰਦਰ ਸਿੰਘ ਥਿੰਦ, ਬੋਬੀ ਖੁਰਾਣਾ,ਸ਼ੰਮੀ ਸ਼ਰਮਾ, ਪ੍ਰਵੀਨ ਤਲਵਾੜ, ਸ਼ਿਵ ਰਾਮ, ਸੰਜੀਵ ਗੁਪਤਾ,ਬਲਵਿੰਦਰ ਸਿੰਘ ਸਰਪੰਚ ( ਪੱਪੂ ਕੋਤਵਾਲ) ਅਦਿ ਸ਼ਾਮਿਲ ਹੋਏ।