ਭਗਤੀ ਭਜਨ ਗਰੁੱਪ ਦੇ ਸੰਸਥਾਪਕ ਧਰਮਪਾਲ ਬਾਂਸਲ, ਗਰੁੱਪ ਦੇ ਸਾਰੇ ਮੈਂਬਰਾਂ ਅਤੇ ਪ੍ਰਭੂ ਸ਼੍ਰੀ ਰਾਮ ਜੀ ਦੇ ਭਗਤਾਂ ਦੇ ਸਹਿਯੋਗ ਨਾਲ 11,000 ਰਾਮ ਜੋਤੀ ਦੀਪਕ ਜਗਾ ਕੇ ਮਨਾਇਆ ਜਾਏਗਾ ਸ੍ਰੀ ਰਾਮ ਲਲਾ ਪ੍ਰਾਣ ਪ੍ਰਤੀਸ਼ਠਾ ਦਾ ਮਹਾਂ ਉਤਸਵ।
ਫਿਰੋਜਪੁਰ 19 ਜਨਵਰੀ {ਕੈਲਾਸ਼ ਸ਼ਰਮਾ ਜਿਲਾ ਵਿਸ਼ੇਸ਼ ਸੰਵਾਦਦਾਤਾ}=
ਭਗਤੀ ਭਜਨ ਗਰੁੱਪ ਦੇ ਸੰਸਥਾਪਕ ਧਰਮਪਾਲ ਬਾਂਸਲ ਚੈਅਰਮੈਨ (ਐੱਸ ਬੀ ਐੱਸ ਕਾਲਜ ਆਫ ਨਰਸਿੰਗ ਅਤੇ ਹਾਰਮਨੀ ਆਯੂਰਵੈਦਿਕ ਕਾਲਜ ਅਤੇ ਹਸਪਤਾਲ) ਗਰੁੱਪ ਦੇ ਸਾਰੇ ਮੈਂਬਰਾ ਅਤੇ ਸਾਰਿਆ ਸ਼੍ਰੀ ਰਾਮ ਭਗਤਾ ਵੱਲੋ ਮਿਲਕੇ 22 ਜਨਵਰੀ 2024 ਸ਼ਾਮ 6.30 ਵਜੇ ਸ਼੍ਰੀ ਰਾਮਲਲਾ ਪ੍ਰਾਣ ਪ੍ਰਤੀਸ਼ਠਾ ਇਤਿਹਾਸਿਕ ਮਹਾਉਤਸਵ ਨੂੰ ਹਾਰਮਨੀ ਕਾਲਜ ਵਿਖੇ 11000 ਰਾਮ ਜੋਤੀ ਦੀਪਕ ਜਗਾ ਕੇ ਮਨਾਇਆ ਜਾ ਰਿਹਾ ਹੈ। ਸ਼੍ਰੀ ਧਰਮਪਾਲ ਬਾਂਸਲ ਵੱਲੋ ਸਾਰਿਆ ਨੂੰ ਹੱਥ ਜੋੜ ਕੇ ਬੇਨਤੀ ਕੀਤੀ ਜਾਦੀ ਹੈ ਕੇ ਆਪਣੇ – ਆਪਣੇ ਘਰਾਂ ਵਿੱਚ ਵੀ ਰਾਮ ਦੀਪਕ ਜੋਤੀ ਜਗਾ ਕੇ ਦੀਪ ਮਾਲਾ ਕੀਤੀ ਜਾਵੇ ਮਿਠਾਈਆ ਵੰਡੀਆ ਜਾਣ ਅਤੇ ਪੂਰੇ ਉਤਸ਼ਾਹ ਨਾਲ ਮਨਾਇਆ ਜਾਵੇ। “ਮੇਰੇ ਰਾਮ, ਤੇਰੇ ਰਾਮ, ਸਭ ਦੇ ਰਾਮ” ਜੋ ਕਿ ਲਗਭਗ 500 ਸਾਲ ਦੇ ਸ਼ੰਘਰਸ਼ ਤੋਂ ਬਾਅਦ ਆਪਣੇ ਗਰਭ ਗ੍ਰਹਿ ਵਿਖੇ ਵਿਰਾਜਮਨ ਹੋਣ ਜਾ ਰਹੇ ਹਨ। ਇਸ ਦਿਨ ਸਾਨੂੰ ਸਾਰਿਆ ਨੂੰ ਚਾਹੀਦਾ ਹੈ ਕਿ ਰਾਮਲਲਾ ਦੇ ਸਵਾਗਤ ਲਈ ਮੰਗਲ ਗੀਤ, ਭਜਨ ਗਾਈਏ, ਪੂਰੇ ਭਾਰਤ ਦੇਸ਼ ਅਤੇ ਵਿਦੇਸ਼ ਵਿੱਚ ਰਹਿੰਦੇ ਭਾਰਤੀਆ ਦੀ ਤਰੱਕੀ ਅਤੇ ਸੁਖ-ਸ਼ਾਤੀ ਲਈ ਪ੍ਰਾਥਨਾ ਕਰੀਏ ਤਾਂ ਜੋ ਆਪਸੀ ਭਾਈਚਾਰਾ ਬਨਿਆ ਰਹੇ। ਆਪਣੇ ਦੇਸ਼ ਅਤੇ ਵਿਦੇਸ਼ ਨੂੰ ਸ਼੍ਰੀ ਰਾਮ ਦੇ ਰੰਗ ਵਿੱਚ ਰੰਗ ਦਈਏ ਅਤੇ ਇਸ ਇਤਿਹਾਸਿਕ ਪਲ ਲਈ ਆਪਣੇ ਦੁਆਰਾ ਆਪਣੇ ਘਰਾਂ, ਦੁਕਾਨਾਂ, ਵਪਾਰਿਕ ਸੰਸਥਾਨਾਂ, ਦਫਤਰਾਂ, ਹੋਟਲਾਂ, ਕਾਲਜਾਂ, ਫੈਕਟਰੀਆਂ ਅਤੇ ਆਪਣੇ ਇਤਿਹਾਸਿਕ ਸਥਾਨਾਂ ਪਰ ਦੀਪ ਮਾਲਾ ਕਰੀਏ। ਇਸ ਰਾਮ ਜੋਤੀ ਦੀਪਕ ਤੋਂ ਇਸ ਤਰਾਂ ਦਾ ਪ੍ਰਕਾਸ਼ ਮਿਲੇਗਾ ਕਿ ਪੂਰਾ ਦੇਸ਼ ਰਾਮ ਭਗਤੀ ਵਿੱਚ ਲੀਨ ਹੋ ਜਾਵੇਗਾ। ਉਨਾਂ ਨੇ ਅੱਗੇ ਆਖਿਆ ਕਿ ਇਸ ਪ੍ਰਾਣ ਪ੍ਰਤੀਸ਼ਠਾ ਨੂੰ ਲੈ ਕੇ ਪੂਰੀ ਦੁਨੀਆ ਦੇ ਸ੍ਰੀ ਰਾਮ ਭਗਤ ਬੇਹੱਦ ਉਤਸ਼ਾਹ ਵਿੱਚ ਹਨ। ਧਰਮਪਾਲ ਬਾਂਸਲ ਨੇ ਇਸ ਇਤਿਹਾਸਿਕ ਮੌਕੇ ਦੀ ਸਭ ਨੂੰ ਲੱਖ-ਲੱਖ ਵਧਾਈ ਦਿੱਤੀ।