ਸਰਹੱਦੀ ਲੋਕ ਸੇਵਾ ਸਮਤੀ ਫਿਰੋਜ਼ਪੁਰ ਵੱਲੋਂ ਬੀਐਸਐਫ ਦੇ ਜਵਾਨਾ ਨਾਲ ਬਾਰਡਰ ਤੇ ਜਾ ਕੇ ਰੱਖੜੀ ਦਾ ਤਿਉਹਾਰ ਮਨਾਇਆ ਗਿਆ- ਐਡਵੋਕੇਟ ਹਰਜਿੰਦਰ ਸਿੰਘ
ਫਿਰੋਜ਼ਪੁਰ 29 ਅਗਸਤ {ਕੈਲਾਸ਼ ਸ਼ਰਮਾ ਜ਼ਿਲ੍ਹਾ ਵਿਸ਼ੇਸ਼ ਸੰਵਾਦਦਾਤਾ}=
ਐਡਵੋਕੇਟ ਹਰਜਿੰਦਰ ਸਿੰਘ ਜਿਲ੍ਹਾ ਮਹਾ ਮੰਤਰੀ ਸਰਹੱਦੀ ਲੋਕ ਸੇਵਾ ਸਮਿਤੀ ਫਿਰੋਜ਼ਪੁਰ) ਵੱਲੋ ਹਰ ਸਾਲ ਦੀ ਤਰਾਂ ਬਾਰਡਰ ਤੇ ਜਾ ਕੇ ਬੀ. ਐਸ. ਐਫ ਦੇ ਜਵਾਨਾ ਨਾਲ ਰੱਖੜੀ ਦਾ ਤਿਉਹਾਰ ਮਨਾਇਆ ਗਿਆ। ਇਸ ਮੌਕੇ ਸ਼੍ਰੀ ਧਰਮਪਾਲ ਬਾਸਲ ਜੀ (ਡਾਇਰੈਕਟਰ ਸ਼ਹੀਦ ਭਗਤ ਸਿੰਘ ਕਾਲਜ ਆਫ ਨਰਸਿੰਗ ਅਤੇ ਹਾਰਮਨੀ ਆਯੂਰਵੈਦਿਕ ਕਾਲਜ ਅਤੇ ਹਸਪਤਾਲ ਫਿਰੋਜ਼ਪੁਰ) ਵੱਲੋ ਦੱਸਿਆ ਗਿਆ ਕਿ ਇਹ ਤਿਉਹਾਰ ਬਾਰਡਰ ਤੇ ਆ ਕੇ ਪਿਛਲੇ ਕਈ ਸਾਲਾ ਤੋ ਮਨਾਇਆ ਜਾਦਾ ਹੈ। ਫੋਜੀ ਜਵਾਨ ਹਜਾਰਾਂ ਮੀਲ ਘਰਾਂ ਤੋ ਦੂਰ ਰਹਿ ਕੇ ਦੇਸ਼ ਦੀ ਰਾਖੀ ਕਰਦੇ ਹਨ। ਇਸ ਲਈ ਉਹ ਆਪਣੇ ਪਰਿਵਾਰਾ ਨਾਲ ਤਿਉਹਾਰ ਨਹੀ ਮਨਾ ਪਾਉਂਦੇ। ਇਸ ਦੇ ਨਾਤੇ ਸਾਡਾ ਵੀ ਫਰਜ਼ ਬਣਦਾ ਹੈ ਕਿ ਅਸੀ ਜਵਾਨਾ ਨੂੰ ਪਰਿਵਾਰਾ ਦੀ ਕਮੀ ਮਹਿਸੂਸ ਨਾ ਹੋਣ ਦੇਈਏ। ਸਰਹੱਦੀ ਲੋਕ ਸੇਵਾ ਸਮਿਤੀ, ਸੇਵਾ ਭਾਰਤੀ ਅਤੇ ਭਗਤੀ ਭਜਨ ਗਰੁੱਪ ਦਾ ਵਿਸ਼ੇਸ਼ ਯੌਗਦਾਨ ਰਿਹਾ । ਇਸ ਮੌਕੇ ਤੇ ਰੱਖੜੀ ਬੰਨਣ ਲਈ ਸੇਵਾ ਭਾਰਤੀ ਦੇ ਕੇਦਰਾਂ ਦੇ ਬੱਚਿਆ ਅਤੇ ਦੀਦੀਆ ਨੇ ਭਾਗ ਲਿਆ । ਸਾਰਿਆ ਵੱਲੋ ਵੱਖ – ਵੱਖ ਫੋਜੀ ਚੌਕੀਆ ਤੇ ਜਾ ਕੇ ਜਵਾਨਾ ਨੂੰ ਰੱਖੜੀਆ ਬੰਨੀਆ ਗਈਆ ਅਤੇ ਮਠਿਆਈਆ ਵੰਡੀਆ ਗਈਆ। ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਅਸ਼ੋਕ ਗਰਗ, ਤਰਲੋਚਨ ਚੋਪੜਾ ਅਤੇ ਯਗਦੇਵ ਸਿੰਘ ਆਦਿ ਸ਼ਾਮਿਲ ਹੋਏ।