ਸਰਹੱਦੀ ਲੋਕ ਸੇਵਾ ਸਮਤੀ ਫਿਰੋਜ਼ਪੁਰ ਵੱਲੋਂ ਬੀਐਸਐਫ ਦੇ ਜਵਾਨਾਂ ਨਾਲ ਮੂਠਿਆਂ ਵਾਲੀ ਚੌਂਕੀ ਅਤੇ ਕੁਲਵੰਤ ਚੌਂਕੀ 99 ਬੀਐਸਐਫ ਬਟਾਲੀਅਨ ਬਾਰਡਰ ਤੇ ਜਾ ਕੇ ਰੱਖੜੀ ਦਾ ਤਿਉਹਾਰ ਮਨਾਇਆ ਗਿਆ-ਐਡਵੋਕੇਟ ਹਰਜਿੰਦਰ ਸਿੰਘ
ਸਰਹੱਦੀ ਲੋਕ ਸੇਵਾ ਸਮਤੀ ਫਿਰੋਜ਼ਪੁਰ ਅਤੇ ਬੀਐਸਐਫ ਦੇ ਜਵਾਨਾਂ ਨੇ ਰਲ ਕੇ ਪੌਦੇ ਵੀ ਲਗਾਏ ਤਾਂ ਜੋ ਵਾਤਾਵਰਨ ਨੂੰ ਸਾਫ ਰੱਖਿਆ ਜਾ ਸਕੇ ਚਲੋ
(ਪੰਜਾਬ)ਫਿਰੋਜ਼ਪੁਰ 09 ਅਗਸਤ {ਕੈਲਾਸ਼ ਸ਼ਰਮਾ ਜ਼ਿਲ੍ਹਾ ਵਿਸ਼ੇਸ਼ ਸੰਵਾਦਦਾਤਾ}=
ਸ੍ਰੀ ਧਰਮਪਾਲ ਬਾਂਸਲ ਵਾਈਸ ਚੇਅਰਮੈਨ (ਪੰਜਾਬ)ਐਡਵੋਕੇਟ ਹਰਜਿੰਦਰ ਸਿੰਘ ਜਿਲ੍ਹਾ ਪ੍ਰਧਾਨ ਸਰਹੱਦੀ ਲੋਕ ਸੇਵਾ ਸਮਿਤੀ ਫਿਰੋਜ਼ਪੁਰ) ਵੱਲੋਂ ਹਰ ਸਾਲ ਦੀ ਤਰਾਂ ਬਾਰਡਰ ਤੇ ਜਾ ਕੇ ਮਮਦੋਟ ਸੈਕਟਰ ਵਿੱਚ ਪੈਂਦੀ ਮੁੱਠਿਆਂ ਵਾਲੀ ਚੌਂਕੀ ਅਤੇ ਕੁਲਵੰਤ ਚੌਕੀ 99 ਬਟਾਲਅਨ ਬੀ.ਐਸ.ਐਫ ਦੇ ਜਵਾਨਾਂ ਨਾਲ ਰੱਖੜੀ ਦਾ ਤਿਉਹਾਰ ਮਨਾਇਆ ਗਿਆ। ਬੀਐਸਐਫ ਦੇ ਜਵਾਨਾਂ ਅਤੇ ਸਰਹੱਦੀ ਲੋਕ ਸੇਵਾ ਸਮਤੀ ਦੇ ਮੈਂਬਰਾਂ ਨੇ ਚੌਂਕੀਆਂ ਤੇ ਪੌਦੇ ਵੀ ਲਗਾਏ। ਤਾਂ ਜੋ ਵਾਤਾਵਰਣ ਨੂੰ ਸਾਫ ਰੱਖਿਆ ਜਾ ਸਕੇ।
ਇਸ ਮੌਕੇ ਸ਼੍ਰੀ ਧਰਮਪਾਲ ਬਾਸਲ ਜੀ (ਡਾਇਰੈਕਟਰ ਸ਼ਹੀਦ ਭਗਤ ਸਿੰਘ ਕਾਲਜ ਆਫ ਨਰਸਿੰਗ ਅਤੇ ਹਾਰਮਨੀ ਆਯੂਰਵੈਦਿਕ ਮੈਡੀਕਲ ਕਾਲਜ ਅਤੇ ਹਸਪਤਾਲ ਫਿਰੋਜ਼ਪੁਰ) ਵੱਲੋਂ ਦੱਸਿਆ ਗਿਆ ਕਿ ਇਹ ਤਿਉਹਾਰ ਬਾਰਡਰ ਤੇ ਆ ਕੇ ਪਿਛਲੇ ਕਈ ਸਾਲਾਂ ਤੋਂ ਮਨਾਇਆ ਜਾ ਰਿਹਾ ਹੈ। ਫੋਜੀ ਜਵਾਨ ਹਜਾਰਾਂ ਮੀਲ ਘਰਾਂ ਤੋ ਦੂਰ ਰਹਿ ਕੇ ਦੇਸ਼ ਦੀ ਰਾਖੀ ਕਰਦੇ ਹਨ। ਇਸ ਲਈ ਉਹ ਆਪਣੇ ਪਰਿਵਾਰਾ ਨਾਲ ਤਿਉਹਾਰ ਨਹੀ ਮਨਾ ਪਾਉਂਦੇ। ਇਸ ਦੇ ਨਾਤੇ ਸਾਡਾ ਵੀ ਫਰਜ਼ ਬਣਦਾ ਹੈ ਕਿ ਅਸੀ ਜਵਾਨਾਂ ਨੂੰ ਪਰਿਵਾਰਾਂ ਦੀ ਕਮੀ ਨਾ ਮਹਿਸੂਸ ਹੋਣ ਦੇਈਏ। ਇਸ ਮੌਕੇ ਤੇ ਰੱਖੜੀ ਬੰਨਣ ਲਈ ਸ਼ਹੀਦ ਭਗਤ ਸਿੰਘ ਨਰਸਿੰਗ ਕਾਲਜ ਦੀਆਂ ਵਿਦਿਆਰਥਣਾਂ ਨੇ ਭਾਗ ਲਿਆ। ਸਾਰਿਆ ਵੱਲੋਂ ਵੱਖ–ਵੱਖ ਫੋਜੀ ਚੌਕੀਆਂ ਤੇ ਜਾ ਕੇ ਜਵਾਨਾਂ ਨੂੰ ਰੱਖੜੀਆਂ ਬੰਨੀਆਂ ਅਤੇ ਮਠਿਆਈਆਂ ਵੰਡੀਆਂ ਗਈਆਂ।ਸਰਹੱਦੀ ਲੋਕ ਸੇਵਾ ਸਮਤੀ ਫਿਰੋਜ਼ਪੁਰ ਦੇ ਜ਼ਿਲ੍ਹਾ ਪ੍ਰਧਾਨ ਐਡਵੋਕੇਟ ਹਰਜਿੰਦਰ ਸਿੰਘ ਨੇ ਦੱਸਿਆ ਕਿ ਬੀਐਸਐਫ ਦੇ ਜਵਾਨਾਂ ਦੀ ਮੁਸ਼ਤੈਦੀ ਕਾਰਨ ਹੀ ਅਸੀਂ ਲੋਕ ਆਪਣੇ ਘਰਾਂ ਵਿੱਚ ਚੈਨ ਦੀ ਨੀਂਦ ਨਾਲ ਸੌਂਦੇ ਹਾਂ। ਇਸ ਲਈ ਸਾਡਾ ਕਰਤਵ ਬਣਦਾ ਹੈ ਕਿ ਹਰ ਦਿਨ ਤਿਉਹਾਰ ਇਹਨਾਂ ਦੇ ਨਾਲ ਬਾਰਡਰ ਤੇ ਆ ਕੇ ਮਨਾਈਏ ਅਤੇ ਹਰ ਮੌਕੇ ਇਹਨਾਂ ਦਾ ਸਾਥ ਦਈਏ।
ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਸ੍ਰੀ ਧਰਮਪਾਲ ਬਾਂਸਲ, ਹਰਜਿੰਦਰ ਸਿੰਘ ਐਡਵੋਕੇਟ, ਬਲਜੀਤ ਸਿੰਘ, ਕੈਲਾਸ਼ ਸ਼ਰਮਾ, ਸੁਖਵਿੰਦਰ ਕੌਰ ਅਤੇ ਯਗਦੇਵ ਸਿੰਘ ਸੰਧੂ ਆਦਿ ਸ਼ਾਮਿਲ ਹੋਏ।
ਸ੍ਰੀ ਸੁਰਿੰਦਰ ਡਿਪਟੀ ਕਮਾਂਡੈਂਟ , ਤੋਬਈ ਇੰਸਪੈਕਟਰ ਕੁਲਵੰਤ ਚੌਕੀ ਅਤੇ ਰਾਮ ਭਗਵਾਨ ਡਿਪਟੀ ਕਮਾਂਡੈਂਟ ਮੁੱਠਿਆਂ ਵਾਲੀ ਨੇ ਸਰਹੱਦੀ ਲੋਕ ਸੇਵਾ ਸਮਿਤੀ ਦੇ ਸਾਰੇ ਮੈਂਬਰਾਂ ਦਾ ਧੰਨਵਾਦ ਕੀਤਾ ਅਤੇ ਦੱਸਿਆ ਕਿ ਸਾਡੀਆਂ ਚੌਂਕੀਆਂ ਸਰਹੱਦ ਦੇ ਬਿਲਕੁਲ ਨਜ਼ਦੀਕ ਤਰਨ ਤਾਰਨ ਜਿਲੇ ਵਿੱਚ ਪੈਂਦੀਆਂ ਹਨ। ਇਸ ਲਈ ਕੋਈ ਵੀ ਸਮਾਜ ਸੇਵਕ ਸਾਡੇ ਤੱਕ ਪਹੁੰਚ ਨਹੀਂ ਕਰਦਾ। ਇਸ ਲਈ ਅਸੀਂ ਤੁਹਾਨੂੰ ਇੱਥੇ ਪੁੱਜਣ ਤੇ ਜੀ ਆਇਆ ਕਹਿੰਦੇ ਹਾਂ।
